|
|
schächentaler höheweg im winter: eggberge - hüenderegg - flesch - biel
|
start: |
|
ziel: |
|
laufziit: |
3 std |
tüfschte punkt: |
1431 müm |
höchschte punkt: |
1871 müm |
charte 1:25'000: |
|
gwanderet: |
15. januar 2009 |
charakter: |
eini vo de schönschte und einsamschte höhewanderige im winter woni kenn, miteme gwaltspanorama. die tour mues mer sehr de vorussetzige apasse, under umstände cha mer sie nur mit schneeschueh mache. i mim fall häts e schön abetrampete pfad gha, sensationell! am beschte bim bahnpersonal afröge, die chönd kompetent uskunft geh. |
statione: |
eggbergen (1446m) - ober eggberg (1680m) – rossgrueben - hüenderegg (1874m) 1std, 10min - flesch (1812m) 1std, 20min – chalberweid - zur gand – teilalp - lücken (1720m) - alafund (1732m) – wiltschi - biel (1626m) 3std
|
variante: |
statt bis uf biel füre, chönt mer au chli vorher abe, uf ruogig, au det fahrt es gondeli uf bürglen abe.
oder für die wo nochli länger wänd laufe, gönd no wiiter, bis is ratzi, au det gaht es bähnli is tal derab. (edelwiis – ratzi, ca. 1.5 std.)
|
tip: |
zur sicherheit schneeschueh, oder mindeschtens gamasche mitneh, sötti de weg emal nödeso guet gspuuret sii.
churz bevor mer zum bähnli in biel chunt, chönt mer gradus zum bergreschti edelwiis. (tafle) det häts e schöni sunneterasse und es git es usgezeichnete schümli-pflümli... |
hund: |
ja, cha mer guet mache. wasser isch echli rar, wie immer im winter. de einzig brunne, wo no halbwegs bruchbar gsi isch, hani bim flesch atroffe.. denn chunt mer anes paar höf verbi, det häts au meischtens en hund, wo sis dehei vehemment verteidiget.. |
|
|
