riemenstalden chäppeliberg (sisikon)  

stoos (morschach)

3 std, 50 min

1182 müm

1620 müm

muotatal, nr. 1172

20. juli 2008       

en eifachi passwanderig im kanton schwyz. brucht zum teil ächli spürsinn für de weg z'gfinde, alles i allem aber e unschwirigi tour. herrlichs bergpanorama.

chäppeliberg (1182m) - stafel (1231m) - usserst hütte (1444m) 45min - höchi (1487m) 1std - uf den gütschen (1542m) - wannentritt (1595m) 1std, 30min - laubgarten (1611m) 1std, 55min - geissbützen (1476m) - tröligen (1407m) 2std, 20min – chruterenwald - chruteren (1522m) - metzg (1557m) 3std, 10min - ober tritt (1518m) - holiberig (1390m) - stoos (1272m) 3std, 50min

churz nach em laubgarten hät mer d'möglichkeit, en obere weg z'gah via füdlen und bärhalten.  de isch aber schlecht bezeichnet, und zum teil weglos, i doch ordentli aspruchsvollem gländ.
gad uf de siite stoos hät mer diversi möglichkeite, es hät unzähligi weg und pfad, halted mer d'richtig, chunt mer früener oder später zum stoos...
wett mer nochli meh ussicht gnüsse, cha mer au no miteme bähnli entweder uf de klinge- oder fronalpstock. meh infos.

ich würd aktuells chartematerial mitneh. sehr hilfrich. d'weg sind zwar markiert, aber welle vo dene vile weg söll mer neh??
s'poschtauto vo sisikon uf riemenstalden fahrt selte und e reservation isch unerlässlich. am beschte am tag vorher schnell em chauffeur en funk geh. josef gisler: 041 820 32 55 / 079 249 47 02

weg- und wassertechnisch überhaupt keis problem, gradezue ideal sogar. denn isch es aber so, dass sozäge di ganz tour dur weidegebiet füehrt. d'chüeh sind neugierig und zeiged kei angscht. wird de hund als agressor betrachtet, chönti no de beschützerinstinkt vo de eint oder andere mami-chueh zum träge cho..

links:	wetter regional	schwyz / altdorf
	fahrplan sbb
	webcams	stoos / riemenstalden
	postauto josef gisler	tel. 041 820 32 55 / 079 249 47 02
	stoos bergbahnen	luftseilbahn stoos-morschach
	stoos gastroliste