|
fürstensteig im ländle
|
start: |
|
ziel: |
gaflei (triesenberg / vaduz) |
laufziit: |
2 std, 20 min |
tüfschte punkt: |
1483 müm |
höchschte punkt: |
1938 müm |
charte 1:25'000: |
|
gwanderet: |
5. september 2008 |
charakter: |
e chuzi aber sehr interessanti tour. d'wegfüehrig vom fürstesteig isch spektakulär, mer hät wegli und stägli zum fels us ghaue oder agleit. brucht e bitz trittsicherheit, isch aber überall guet abgsicheret mit stahlseil. bi vill lüüt allefalls s'problem vo steischlag? |
statione: |
gaflei (1483m) - brünsta - fürstensteig - gafleisattel (1848m) 1std, 5min - chemi (1937m) 1std, 30min - bärgällasattel (1742m) 1std, 50min - gaflei (1483m) 2std, 20min |
variante: |
das ganze laht sich natürli au umgekehrt erwandere. wobi ich mir no cha vorstelle, dass de fürstesteig deruf eifach z'bewältige isch als derab. also lieber i die richtig.
für die wo das z'churz isch, chönt mer vom gafleisattel wiiter zu de drü schwöschtere laufe. vo det us de abstieg uf planken. |
tip: |
obwohls ja würkli nur e mini-tour isch, wür ich picknick mitneh. es hät a de schönschte orte es bänkli, (gafleisattel, chemi, usw.) mängisch sogar mit füürstell. da laht sich ushalte. |
hund: |
mer chönts mache. en bergerfahrne hund wird uf dene schmale felsstägli und wägli kei problem ha. öb em das au spass macht, isch di ander frag. grad am wuchenend bi vill lüüt eher heikel, s'chrüze uf de weg wird denn schwirig. hine abe weidegebiet. kei wasser uf de ganze tour. |
|
