unter dem birg (adelboden)

2 std

1398 müm

1962 müm

gemmi, nr. 1267

28. september 2008

e churzi aber interessanti tour a de gewaltige engstligenfäll verbi. es gaht uf bergweg rächt steil deruf. well de gröschti teil vom ufstieg im schatte verlauft, isch das türli eher für en heisse summertag als für de chüeler herbscht geeignet. dur d'füechtigkeit vo de fäll wird das no verstärkt.

underem birg (1400m) - underi fäll (1426m) 15min - punkt 1517m - oberi fäll 1std, 10min - triescht - engstligenalp (1964m) 2std

vo de undere engstligenfäll cha mer en abstächer zunere plattform ufe mache, womer hutnäch am wasserfall isch. ufstieg ca. 15 minute. mer mues aber ufem gliiche weg wieder abe.
dene wo das ganze z'langwilig isch, es git neu au en chlättersteig chäligang deruf. usrüschtig chan bi de talstation gmietet werde.

wenn mer's cha iirichte, lohnt sich die wanderig ufs datum vom alpufzug oder alpabzug z'lege, imposant, wie d'chüeh di schmale wegli i de felse meischtered...
wett mer es paar tag in adelbode verwiile, chan ich s'parkhotel wärmschtens as herz lege. nöd günschtig, aber en service, wo sinesgliche suecht (z.b. werded eim d'wanderschueh putzt....hihi..)

cha mer mache, mer händ au e paar gseh mit hünd. mer müesst en eifach a d'leine neh, zum teil schmali wegli zum chrüze. und vill gägevercher, en huufe lüüt laufed derab.

links:	wetter regional	adelboden / lenk
	fahrplan sbb
	webcams	engsltigenalp / sillerenbühl
	engstligenalp	diversi infos
	luftseilbahn	fahrplan und priise
	chlättersteig	chäligang
	adelboden	diversi infos