|
sattelegg - chli aubrig - wildegg - sattelegg
|
start: |
|
ziel: |
sattelegg passhöchi |
laufziit: |
3 std, 30 min |
tüfschte punkt: |
1190 müm |
höchschte punkt: |
1642 müm |
charte 1:25'000: |
|
gwanderet: |
14. juni 2008
/ 15. november 2011 |
charakter: |
e unkomplizierti halbtagestour mit gipfel. e rächt schlammigi aglegeheit, bi nöd sicher, öbs wäg de starke rägefäll so gsi isch, oder öbs gebiet allgemein chli moraschtig isch, vorallem de abstieg via alten.
nachtrag november: es isch sichtig wie verruckt, und au de matsch haltet sich in gränze, defür isch es eher gfroore. |
statione: |
sattelegg (1190m) – hirzen – chrähwäldli (1382m) 30min – alp egg (1352m) – chli aubrig (1642m) 1std, 30min – wildegg (1504m) 1std, 50min – ober alten (1446m) – unter alten (1310m) 2std, 35min – steinwändli (1203m) – schwanten – stofel – sattelegg (1190m) 3std, 30min |
variante: |
mer cha de gipfel au uslah und une dure direkt zur wildegg laufe. ame schöne tag isch d'ussicht bestechend det obe.
de ufstieg chan au ufem chiessträssli gmacht werde, via wicherten. denn verpasst mer zwar de herrlich ussichtspunkt bim chrähwäldli, isch aber grad nach starke rägefäll eher empfehlenswert. |
tip: |
i de wildegg gits öpis z'trinke, (s'huuskafi chani sehr empfehle) und au e chlini charte. nach starke rägefäll würd ich de gliich weg wieder zrugg, via alp egg, und nöd via ober/unter alten. da cha mer sich e rächti schlammschlacht erspaare. |
hund: |
ja, guet machbar. immer mal wieder en brunne atroffe. höchschtens bezüglich weidegebiet chöntis problem geh. es hät amme-chüeh, wo guet uf ihri chälbli lueged, en hund cha da durchus als bedrohig gseh werde. |
|
