golzern talstation (bristen)

golzern bergstation (bristen)

6 std, 15 min

832 müm

2032 müm

amsteg, nr. 1212 + schächtental, nr. 1192

16. september 2007

e usdehnti rundi im wunderschöne maderanertal, mit sine wasserfäll als naturschauspiel. i de regel häts über fasch jedes bächli es solids brüggli, womer bi nidrigem wasserstand aber chum in aspruch nimmt.

golzern tal (832m) - lägni (1011m) 30min - balmenschachen (1185m) 1std, 30min - hotel maderanertal balmenegg (1349m) 2std - butzli - saasalp (1465m) 2std, 30min - tritt - öfeli (1757m) 3std, 30min - stäfel (1927m) 3std, 55min - windgällenhütte aacz (2032m) 4std, 35min - ortliboden - bernetsmatt (2014m) 5std - bläck (1914m) - oberchäseren (1935m) 5std, 35min - golzern (1395m) 6std, 15min

es hät huufewiis querverbindige und abchürzigsmöglichkeite. mer chan vom hotel mderanertaldirekt zu de windgällehütte ufstiige, ohni d'schlaufe über de tritt. oder mer chönt vo de windgällehütte zum golzernsee abstiige, da z.b. e chürzeri rundi.

well die rundi de touristischi teil vom maderanertal (golzernsee) umgaht, cha mer die au guet ame schöne sunntig realisiere.
wells doch rächt wiit isch (und ich no ordentlich zügig unterwegs gsi bin) cha mer die tour natürli au super i zwei tag ufteile, mit übernachtig im hotel maderanertal oder de windgällehütte.
es git e transportmöglichkeit is hotel maderanertal, womer sich allefals di erschte 2 stund chönti spare. unter: 047 883 18 08 oder 079 271 81 57.
well d'gegend immer wieder vo naturkatastrophe heigsuecht wird, lohnt sich im vorus en blick uf website, öb alli plante weg begehbar sind, d'bahn offe isch, usw.

ja, cha mer guet mache. bi viehbetrieb isch leinepflicht. es hät en huufe bächli, woner sin durscht chan stille.
als übernachtigsgascht: im hotel maderanertal isch de vierbeiner will-komme, i de windgällenhütte jedoch leider nöd.

links:	wetter regional	altdorf
	fahrplan sbb
	golzern-seilbahn	rekka akzeptiert, aber kei halbtax
	windgällenhütte aacz
	hotel maderanertal	balmenegg
	maderanertal