engstlingenalp (adelboden)

lämmerenhütte sac

4 std, 10 min

1952 müm

2829 müm

gemmi, nr. 1267

22. september und 23. september 2007

e tour mit alpincharakter. es gaht uf fasch 3000 meter, also au im summer mit schnee rächne. es git e gletscherquerig und blaumarkierti weg. alles i allem aber guet machbar, au 'nur' mit gueter wanderusrüschtig.

engstlingenalp (1952m) - märbenen - chindbettipass (2652m) 2std, 15min - roti totz lugge (2829m) 3std, 30min - lämmerental - lämmerenhütte (2501m) 4std, 10min

wett mer d'gletscherquerig umgah, gaht mer vom chindbettipass statt über di roti totz lugge, über di roti chumme. det isch de ufstieg zur hütte via daubensee / lämmerenboden au möglich. so lauft mer am nächschte tag wieder de gliich weg abe.

für die tour würd ich unbedingt stöck empfehle, grad für de erschti tag. uf schnee und gletscher isch es zum teil sehr rutschig, da sind d'stöck sicher hilfrich.
au en feldstecher ghört mit. mir händ sogar ame wuchenend (wo vill lüüt unterwegs sind) i de nächi vo de hütte e ganzes rudel steiböck chöne beobachte, wo sich nöd gross ab eus gstört händ...
gnueg ässe und trinke mit, am erschte tag chunt mer a keinere beiz verbi. au wasserfläsche fülle isch nöd ganz eifach.
schlafsack mitneh isch nöd nötig, d'hütte isch mit duvet's usgrüschted.

isch machbar, aber nöd ideal. d'weg sind hüüfig gröllig, au mit scharfe kante (schiefer usw.) wasser chönt es problem werde. us de not chönti schnee gässe werde, au nöd ideal. übernachtig i de hütte möglich, aber nur im schuehrum usse.

links:	wetter regional	adelboden
	fahrplan sbb
	webcam	engstlingenalp / adelboden / gemmi
	lämmerenhütte
	engstlingenalp	bergbahnen, gastronomie, usw.