|
|
oberalppass – pazolastock – badushütte – tumasee – oberalppass
|
start: |
|
ziel: |
oberalppass |
laufziit: |
4 std, 30 min |
tüfschte punkt: |
2044 müm |
höchschte punkt: |
2739 müm |
charte 1:25'000: |
|
gwanderet: |
27. juli 2006 |
charakter: |
e superschöni rundwanderig zum rhii-ursprung. (tumasee) obwohl d'tour relativ höch ufe gaht, sind d'pfad guet und de weg ohni schwirigkeite. de ufstiig zum pazolastock isch super usboue. denn gahts über en grat, über z.t höchi felstritt, es isch aber niened usgsetzt. de abstieg vom tumasee verlauft ufeme schöne steiplatte-weg mit glenkschonendem gfäll. |
statione: |
oberalppass (2044m) – puozas – pazolastock (2739m) 2std – fil tuma – badushütte (2503m) 2std, 40min – tumasee (2345m) 3std, 10min – trutg-nurschalas – oberalppass (2044m) 4std, 30min |
variante: |
für die wo no wiiter möget, chönd vom tumasee no en abstächer zu de maighels-hütte (sac) und em 'lai urlaun' mache, oder sogar bis zum curnera-stausee. vo det cha mer uf tschamut abstiige, und mitem zügli wieder zrugg uf d'oberalp-passhöchi. |
tip: |
d'badushütte hät nur 3 monet offe (juli, auguscht, september), well sie doch relativ höch isch. d'verpflegig isch sehr eifach, ohni frischprodukt, wells nur eimal pro saison e heli-liferig händ. defür isch de empfang umso herzlicher, und de kafi lecker..
für die wo sich gern e abchüelig holed, chönd no s'badezüg mitneh. de tumasee isch aber au nacheme hitzemonet (juli '06) immer no iis-chalt bi öpe 12° grad.. |
hund: |
ja, cha mer guet mache. wasser häts am afang reichlich, denn gits e stündigi trochestrecki über de pazolastock. vo de badus-hütte bis am schluss häts wieder wasser im überfluss, plus de see für es bad. aber vorsicht: au en hund chan im iis-chalte wasser vom tuma-see en chrampf übercho, nöd z'wiit useschwümme lah! für en trittsichere hund isch au de gratweg mit de z.t. e bitz höche felstritt e keis problem. |
|
|
