|
stöckalp - bachegg - älggialp - seefeld - abgschütz - melchsee-frutt
|
start: |
|
ziel: |
|
laufziit: |
6 std |
tüfschte punkt: |
1075 müm |
höchschte punkt: |
2222 müm |
charte 1:25'000: |
|
gwanderet: |
10. oktober 2006 |
charakter: |
e recht aspruchsvolli bergtour zum geographische mittelpunkt vo de schwiiz. mer mues scho bitz kondition mitbringe, es sind 1600 höhemeter deruf z'bezwinge. au e portion trittsicherheit isch gforderet, zum teil isch de weg sehr rutschig und i steile felspartie isch es echli e chraxlerei. es hät aber gnueg trittli und seil zum sich hebe. |
statione: |
stöckalp (1075m) - rehboden (1208m) 20min - stepfen-alp (1515m) 55min - inenbach (1832m) 1std, 55min - bachegg (1866m) 2std - älggi-alp (1650m) 2std, 35min - seefeld-alp (1818m) 3std, 20min - chringen grätli (2049m) 4std - abgschütz (2222m) 4std, 40min - tschugglen (1987m) 5std, 15min - blausee (1916m) - melchsee-frutt (1910m) 6std |
variante: |
bim ufstiig zur bachegg cha mer au di länger variante über 's'chlischterli' wähle, lut ursi vo de wandersite isch de säb weg aber sehr matschig. vom 'mittelpunkt' chönt mer au wieder zrugg zur älggi und de ganz ufstiig zum sachsler seefeld ufeme alpstässli mache. de ufstiig dur's felsband isch aber vill interessanter. (ebefalls mit seil gsicheret)
umgekehrt würdich die tour nöd empfehle, au nöd für die, wo grundsätzlich lieber derab als deruf laufed. alli heikle stelle mues mer susch abe chräsme, was ja bekanntlich schwiriger gaht als ufe. s'inenbach-tobel isch e rächti rutschbahn, isch derab au schwiriger z'bewältige als deruf.. |
tip: |
früeh gnueg los, dass mer sicher s'letschte bähnli verwütscht, susch wirds denn schaurig lang, wenn mer vo de melchsee-frutt au no mues abe laufe, di fasch 1000 höhemeter. bim bähnli nehmeds halbtax und reka. |
hund: |
hhmm, jein.. für en sehr bergerfahrne hund ja. es hät öpedie mal e stäge (holz und isig) zur unterstützig, und de ufstiig zu de abgschütz isch e chlini chlättertour. für en flinke hund aber z'schaffe. di erschti stund isch wasserlos, denn häts i regelmässige abständ bächli oder seeli. |
|
