|
golzern - oberchäseren - windgällenhütte - golzern
|
start: |
|
ziel: |
golzern (bristen) |
laufziit: |
4 std, 15 min |
tüfschte punkt: |
1395 müm |
höchschte punkt: |
2032 müm |
charte 1:25'000: |
|
gwanderet: |
19. juli 2006 |
charakter: |
e rundwanderig inere traumhafte gägend. de ufstig isch relativ steil, und well er grad am afang isch, gaht mer ohni iilaufe in hang.. de abstieg vo de hütte zum see isch sehr felsig, steistufe und felsplatte mached de grossteil us. doch im trochne zuestand und miteme guete schueh isch de fels wunderbar griffig und ohni schwirigkeite. heikli stelle sind miteme seil gsicheret. |
statione: |
golzern (1395m) – oberchäseren (1935m) 1std, 15min – bläck (1914m) – bernetsmatt (2014m) 1std, 55min – ortliboden – windgällenhütte aacz (2032m) 2std, 25min – schisseneggen – nossplatten – golzernsee (1409m) 3std, 50min – graspelnweg – seewen (1423m) 4std – golzern ( 1395m) 4std, 15min |
variante: |
für die wos no z'wenig streng isch, chönd uf eim oder beidne weg d'seilbahn weglah.
für gueti berggänger cha mer vo de oberchäseren de blau markierti weg über d'widderegg zu de windgällenhütte neh. welli de weg aber nöd kenn, weissi nüt über sini beschaffeheit oder de ziitufwand.
en vorschlag für e grösseri rundi im maderandertal. |
tip: |
de früehufsteher wird belohnt und chan grad ame heisse tag de ganz ufstieg bis zur oberchäseren im schatte mache. s'bähnli fahrt scho abem 6i am morge.
well d'gegend immer wieder vo naturkatastrophe heigsuecht wird, lohnt sich im vorus en blick uf website, öb alli plante weg begehbar sind, d'bahn offe isch, usw. |
hund: |
ja sehr schön. es hät immer wieder wasser; brunne, bächli und am schluss de see. churz nach oberchäseren häts e natürlichi badwanne, wo au en grosse hund de buuch chüele chan. zwüschedurue isch leinepflicht, doch ich han bernetsmatt verlasse vorgfunde. für en trittsichere hund stelled au die z.t. höche felstritt keis hinderniss dar. |
|
