|
drü tag alpstein: säntis - zwinglipass - bollenwees - schäfler - säntis |
tag 1: säntis - lysengrat - altmaasattel - zwinglipass - häderen - fälensee - bollenwees |
start: |
|
ziel: |
|
laufziit: |
4 std, 55 min |
tüfschte punkt: |
1457 müm |
höchschte punkt: |
2501 müm |
charte 1:25'000: |
|
gwanderet: |
12. september - 14. september 2006 |
charakter: |
e aspruchsvolli 3-tages-tour im alpstei-gebiet, wo d'weg oft holperig sind und ab und zue e gueti portion trittsicherheit und schwindelfreiheit verlanged. verteilt uf die 3 tag sinds deruf und derab je guet 2600 höhemeter z'überwinde.
de erschti tag wird grad am afang dur de luftigi lysegrat und di chlii chlätterpartie d'flieswand deruf zum altmannsattel aspruchsvoll. de rescht lauft mer uf bergweg ohni wiiteri schwirigkeite. |
statione: |
säntis (2501m) - chalbersäntis - lysengrat - rotsteinpass (2120m) 1std, 25min - altmannsattel (2368m) 2std, 10min - zwinglipass (2011m) 3std, 15min - häderen (1738m) 4std - fälenalp (1457m) 4std, 35min - bollenwees (1470m) 4std, 55min |
unterkunft: |
bollenwees: es git einzel- / doppelzimmer und masseschlag. hüttefinke sind vorhande. es git zimmer mit duschene, oder etagetusche. tüechli häts gha im doppelzimmer. |
variante: |
bim zwinglipass chönt mer statt grad abe zu de häderen/fälensee, es stuck wiit richtig mutschen, ufem chreialpfirst und denn s'roslenalptal derab und via saxer-lugge zum bollewees. isch bitz wiiter, git eim aber sicherlich e herrlichi sicht uf d'chrüzberge. für die schwindelfreie berggänger gits denn e möglichkeit, ufem roslen-/saxerfirst wiiter z'gah, de zwiigt bi punkt 2099m ab. bi aber nöd sicher, öb das e alpini route isch. selber no nie gloffe. |
tip: |
wenn mer ufem säntis no en start-kafi brucht, lohnt sich's in alte säntis übere z'gah. erschtens chunt mer det sowiso dra verbi, und zweitens isch es einiges gmüetlicher als im beton-chlotz. unterwegs denn find mer verpflegig i de rotsteinpasshütte und ganz eifachi chuchi (mindeschtens e suppe) au i de zwinglihütte. mir händ denn au jewils im bollenwees und em schäfler bitz brot becho und mit me salsiz zäme isch das en feine zmittag. so mues mer nöd ässe für 3 tag mitschleppe. d'appizöller sind sowiso en unglaublich gaschtfründlichs völkli.. |
hund: |
nei, ich würd nöd. und wenn, denn nur mit sehr bergerfahrnem hund. eus isch ufem lysegrat eini mit me 11-jährige, superzwäge boarder-collie-mischling entgege cho. die macht aber mitem hund scho so toure, sit er en welpe isch, und sie hät eus verzellt, dass au sie in mängisch hät müese 'uffange', wenn er kei halt im fels gha heg. ich wüsst also nöd, öb ich de 40-kilönig schäfer mögti uffange... |
|
