|
göscheneralp - chelenalphütte - göscheneralp
|
start: |
|
ziel: |
staudamm göscheneralp (göschenen) |
laufziit: |
6 std, 30 min |
tüfschte punkt: |
1782 m |
höchschte punkt: |
2350 m |
charte 1:25'000: |
|
gwanderet: |
12. auguscht 2005 |
charakter: |
e blaui wanderig, weniger vo de technik, rein vo längi her. obwohl's di eint oder ander schlüsselstell drin hät, wo grad bi nässi cha heikel werde. obwohl's nöd de aaschii macht, sinds doch 920 höhemeter ufe und wieder abe. sensationells panorama, see und gletscher! |
statione: |
göscheneralp (1782m) - älpergen (1927m) 40 min - bänkli (1999m) 1 std - vorder röti (1807m) 2 std - chelenalphütte sac (2350m) 3 std, 45 min - vorder röti (1807m) 5 std 15 min - berg (1951m) 5 std, 55 min - göscheneralp (1782m) 6 std, 30 min |
variante: |
-nur um de see, ohni abstächer i d'chelenalphütte (-3 std, 10 min)
-statt i d'chelenalphütte, en abstächer zur dammahütte (ca. + 2 std)
-statt vo de chelenalphütte wieder abe, cha mer obe dure zur bergseehütte. isch aber en alpine weg, blau markiert! (ca. + 2 std) |
tip: |
-für beerifans: i de saison chan mer heidelbeeri sammle mit ussicht! allefalls es tupperware mit? es hät würkli uu vill.
-für die wo nüme hei möged, es hät en super gebirgs-zeltplatz i de göscheneralp. |
hund: |
cha mer mache, isch aber eigentli leinezwang, well alles offenigs weidegebiet isch. und mer mues würkli huutnäch a chüeh und geisse verbi! wasser häts gnueg, immer wieder gits es bächli z'quere. d'variante bergseehütte nur für bergerfahrni hünd. |
|
