|
sämtlichi toure-beschrieb sind nur aregige. alli agabe über laufziite, schwirigkeitsgrad, usw. sind ohni gwähr. mini vorschläg ersetzed i keinschter wiis en eigeni, sorgfältigi planig vonere wanderig, s'richtige abschätze vo de wätterlag, agmessni usrüschtig und aktuells charte-material. |
nichtsdestotrotz han ich mini toure i drü verschideni stufe unterteilt. (neu dezue cho: winter) die beweged sich aber all im bereich vo de wanderskala T1 bis höchschtens T3+. |
|
sind für mich toure mit vill hartbelag oder breit ustretene pfad. meischtens gönds au nöd wahnsinnig wiit ufe und sind i de regel au bi räge nöd gfährlich. (kei absturzgfahr)
entspricht öpe: T1, allefalls emal ines T2- ine. |
|
sind für mich toure mit normale, guet begehbare wanderwegli, meischtens rot-wiis markiert. es hät niened weglosi stelle, i de regel isch alles guet beschilderet.
entspricht öpe: T1+ bis T2 . |
|
sind für mich toure mit zum teil heikle stelle drin. das chan emal en usgsetzti passage sii (höheangscht), en steile uf- oder abstieg, oder e weglosi stell, wo gad bi nebel chan gfährlich werde. oder aber au eifach e sehr langi tour, was scho für sich chan aspruchsvoll sii.
entspricht öpe: T2+ bis T3, selte T3+ |
|
sind winter- oder ganzjahres-toure. eigentli sinds eher längeri spaziergäng, da d'weg immer pfaded und wenig aspruchsvoll sind. die einzig schwirigkeit, wo mer allefalls demit z'kämpfe hett, sind veriiseti weg. je nach temperature halt. |
|
